Proteas-in India an hneh let

South Africa-in T20 match vawi nga khelh tura a hmasa berah India hneh lo mah se a vawi hnihnaah 51 runs-in an sawp. Pathianni zan dar 7:00 hian Dharamshala-ah match thumna an khel dawn a, ngaihven a hlawh khawp ang.

Ningani zan inkhelah India-in vawm hmasak an thlang a, South Africa-in 213 runs an siam. Quinton de Kock-a'n 90 runs a siam a, Tira, Punjab-a hnehna an channa kawngah a pawimawh hle. Men in Blue tan target a sang mah mah a, 162 runs chauh siamin an thi fai vek.

Tun ṭum series-ah hian T20 lama India chhuanvawr Abhishek Sharma a la che ṭha lo a, captain Suryakumar Yadav leh vice captain Shubman Gill te pawhin beisei an la phak lo. Dharamshala-a India-in hnehna an chan theih nan Abhishek, SKY leh Gill te an chet ṭhat a ṭul ang.