Kum 38 mi Vardy a vul

Cremonese striker Jamie Vardy chu November-a Serie A player of the month atan thlan a ni a, Leicester City legend hi English player zinga he dinhmun luah thei hmasa ber a ni.

Vardy bakah hian AC Milan goalkeeper Mike Maignan, Inter Milan striker Lautaro Martinez, Napoli winger David Neres, Genoa centre back Leo Ostigard leh Udinese attacking midfielder Nicolo Zaniolo te chu chhawpchhuah an ni a, Vardy thlan a ni ta a ni.

Serie A chief executive Luigi de Siervo chuan, "Cremonese-ah a khel dawn tih a chian khan Serie A fan-te chuan phur takin an lo nghak a, an beisei ang ngeiin inkhel hmuhnawm tak a chhawpsak ṭhin a ni," a ti.

Vardy hian Cremonese tan league match 10 a khelhah goal li a khung leh der tawh a, kum khat atan chauh contract nei mah se, kum khat dang pawhsei theihna dan a ziak tel a ni.