Osimhen hoa inlan tur Nigeria

Nigeria chuan 2025 Africa Cup of Nations (AFCON) khel tur an ram squad an puang a, CAF player of the year award dawng tawhtu Victor Osimhen chu hming langsar ber a ni.

Super Eagles hi group C-ah an awm a, an match hmasa ber atan December 23 hian Tanzania nen an inkhel ang, chumi hnuah Tunisia leh Uganda te an hmachhawn zui leh ang.

Group tina hmahruaitu leh pahnihte te chuan knockout stage an lut chiang nghal dawn, anni ho bakah hian group hrang hranga pathuna zinga point hmu tam pali te an lan dawn bawk a ni.

Nigeria hian Osimhen bakah Ademola Lookman an nei. Lookman hi Italian club Atalanta tan rinrawl a ni phak a, tlarhma lamah chuan an ngaihtuah awm lo tur a ngaih a ni.

Afcon-ah Nigeria hi vawi thum champion tawhin, nomawi an chawi hnuhnung ber erawh kum 2013 daih tawh kha a ni a, kuminah a vawi li nan hlawhtlin an tum ang; inelna inbuatsaihna hnuhnung atan December 16 hian Cairo-ah Egypt an hmachhawn ang.

Nigeria Squad:

Goalkeepers: Stanley Nwabali, Amas Obasogie, Francis Uzoho.

Defenders: Calvin Bassey, Semi Ajayi, Bright Osayi-Samuel, Bruno Onyemaechi, Chidozie Awaziem, Zaidu Sanusi, Igoh Ogbu, Ryan Alebiosu.

Midfielders: Alex Iwobi, Frank Onyeka, Wilfred Ndidi, Raphael Onyedika, Tochukwu Nnadi, Fisayo Dele-Bashiru, Ebenezer Akinsanmiro, Usman Muhammed.

Forwards: Chidera Ejuke, Akor Adams, Ademola Lookman, Samuel Chukwueze, Victor Osimhen, Moses Simon, Paul Onuachu, Cyriel Dessers, Salim Fago Lawal.