Celtics hnehtu Bucks

Nimin zing NBA regular season inkhelah, team ṭha Boston Celtics an chesual - a zawna vawi nga an chak hnuah Celtics hi Milwaukee Bucks lakah 116-101 in an tlawm a ni.

Tun hnaiah Boston hi an khel ṭha thei hle a, chak tura rinkai pawh niin hma pawh an hruai. Mahse, second half-ah an chefuh thei lo, 3-points neih tuma an vawm vawi 16 ngawt mai an hlah! Quarter thumna bikah phei chuan point 13 chauh an nei hial.

Bucks erawh a tir lam quarter pahnihah hniam zawk mah se an tho chhuak a, quarter hnuhnung pahnihah chungnung zawkin point belhkhawmah an sang ta zawk a ni.