UEFA hnenah PSG zualko dawn

Paris Saint-Germain team bus chu Champions League-a Athletic Bilbao nen an inkhelh zawhah beih a ni a, mahse, bus hi ding lai a nih bakah, a chuang tumah an awm loh avangin hliam an awm lo.

Treble champion PSG hi Ningani zan khan Bilbao nen inkhelin, UCL-ah 0-0 in an inhnehtawk a, an inkhelh zawh tawh lamah an bus hi lunga vawm niin, a chhe ve nual niin an sawi.

PSG hi hetiang thil thleng avang hian European football-a thuneitu sang ber UEFA lamah zualko an tum nia sawi a ni a, an lungawi lo hle.

French club hian tun hnaiah result ṭha an nei thei lo. An match hnuhnung pathumah vawi khat chiah an chak a, ro an rel ṭhinna Ligue 1 lamah pawh hmahruaitu Lens chu point khatin an phak lo mek.

Champions League lamah pawh match ruk khelhah vawi li chiah an chak a, vawi khat draw neiin, vawi khat an tlawm a, table-ah erawh pathumna an la ni tho - zanin dar 11:30 hian league lamah Metz an lenchilh ang.