Vawiinah Jr Boys Football quarterfinal

ADFA buatsaih Junior Boys Football Tournament 2025 quarterfinal chu vawiin hian Chite Playground-ah khelh a ni dawn. Veng leh club tana inelnaah hian team 14 an tel a, tunkar chhung hian zawh a ni ang.

Inelnaah hian team riat chiah an dam tawh a, vawiin chawhma dar 9:00 hian MFA Elite FA (Blue) leh Edenthar te an inkhel dawn a, Edenthar hi an vawi khat inlanna tur a ni. Chawhma dar 10:45-ah Grace FA, Sihphir leh 4 Brothers 'B' te an inkhel dawn a, Grace FA hian nimin khan Zohmingliana hattrick hmangin Zuangtui Jr FC 4-1 in an hneh.

Group B-ah football thiam venga tia sawi ngam pahnih Armed Veng leh Republic Veng te chhun dar 12:30 hian an inkhel dawn a, tun inelnaa an vawi khat inlan ve ve na tur a ni. Republic Veng hi an bye a, Armed Veng erawh first round-a an khingpui 4 Brothers A an inlan lo.

Chawhnu dar 2:15-ah L&R FA, Mualpui leh MFA Elite FA (Red) te an inkhel dawn a, MFA Elite hian an match hamsa berah goal 17 ngawtin khungin goal an la chhuah lo. L&R FA, Mualpui erawh walkover hmanga quarterfinal lut an ni.

Semifinal hi December 18, Ningania khelh a ni lehnghal dawn a, final hi December 19, Zirtawpniah khelh a ni ang.