Kuminah Neuer a inlan tawh dawn lo

Bayern Munich goalkeeper Manuel Neuer chu malpui hliam vangin kuminah a inlan thei dawn tawh lo a, Bavarians hian kumin atana an match hnuhnung berah Heidenheim chu December 21, Pathianni hian an hmachhawn ang.

Bundesliga-ah thlasik chawlh a awm a, kuminah match khat chauh khelh tur a awm tawh. Inelna hi nakkum January-ah chhunzawm a ni ang a; January 11, Pathianni zanah Bavarians hian Wolfsburg an mikhual dawn.

Bayern hi Pathianni khan Mainz nen 2-2 in an inhnehtawk a, kum 39 mi Neuer hi a inhliam. Bavarians chuan Neuer chawlh rih tur thu a sawi a, a hliam nat dan erawh an tarlang lo thung.