Champion lai Newcastle hmaah Fulham

League Cup champion lai Newcastle United-in zanin dar 1:45 hian St James Park-ah Fulham an mikhual dawn. Magpies hian Tyne-Wear Derby-ah an hmelma Sunderland a hneh lo a, fan-te rilru thawi dam nan London club hi an hneh a ṭul hle.

Team pahnih hi Premier League table aṭanga thlir chuan table hnuai lama awm a ni a, Magpies hi 12-naah awmin Fulham hi 13-naah an awm thung. Eddie Howe hoten season bul an ṭan ṭha lo a, kartawp khan Sunderland lakah 1-0 in chak lo mah se tun hnaiah erawh an insiam ṭha hle.

Newcastle hian league match hnuhnung panga aṭangin point 10 an hmu a, Fulham aiin tun hnaiah reocord an nei ṭha zawk. Black Cats an hmachhawn ṭumin striker chhuanvawr Nick Woltemade-a'n an lamah tilut a, German striker hian League Cup quarterfinal-ah erawh khingpuite lama khung a tum tawh ang.

Fulham hi match hnuhnung pathumah vawi hnih chak lo mah se match hnuhnung panga aṭangin point kua an hmu a, match hnuhnung berah Burnley 3-2 in an hneh bawk. Cottagers hian quarterfinal thleng turin Bristol City, Cambridge United leh Wycombe Wanderers te an hneh a, tun hi kumin League Cup-a Premier League club an hmachhawn hmasak berna tur a ni.