Zanin dar 7:00-ah India vs South Africa

India leh South Africa ten zanin dar 7:00 hian Ardonamau, Uttar Pradesh-ah T20 match nga khelh tura vawi lina an khel dawn. Match thumaah India-in Proteas hi an sawp a, inkhel hi Hotstar-ah mi nuai 900 ten an thlir!

Men in Blue tan opener Abhishek Sharma a hmuhnawm a, Proteas lamin vawm thih hmasak tura an duh ber an ni ang. Tun inelnaah captain Surya Kumar Yadav leh vice captain Shubman Gill te an la che ṭha tawk lo a, series an lak theih nan an chet ṭhat a ṭul hle.

South Africa hian T20 hma hian Test series-ah India hi an hneh a, ODI-ah an chak loh avangin T20-ah hneh leh ngei an duh dawn. Aiden Markram hote tana series lak beiseina nei turin zaninah chak ngei a ṭul dawn a ni.