NBA chu mipa inelna a ni - James

LeBron James-a point 26 neih hmangin Los Angeles Lakers chuan Phoenix Suns 116-114 in an hneh, he inkhelah hian James leh Dillon Brooks te an intibuai a, sawi zui a hlawh hle.

Quarter lina an khelh laiin Lakers hi point 20 lain an sang fal a, Suns lamin thapui thawh letin hun tawp nan second 12 a la awm chuan team pahnih inthlauhna chu point khat chauh a ni hial.

Hun tawp dawnah Brooks hian James-a lakah technical foul a nei a, vawi hnih a neihna niin hnawh chhuah (eject) a ngai hial. Kum 40 mi James chuan, "NBA a ni a, naupang telna tur a ni lo.

"Theihtawp chhuah takmeuhin inelna kan hmachhawn a, a tawpa hlim leh nui zawk nih ngei kan tum tur a ni," a ti a, mimal inhuatna leh inbeihna ni loin team tana beihna a nih thu a sawi bawk.

Lakers hian regular season kal laiah vawi 18 hnehna an chang tawh a, hnehna chan tam lamah Spurs nen hian an intluk mek a ni.