Dan Burn a chawl rei dawn

Newcastle United defender Dan Burn chu a nakruh a tliak a, hei bakah hian a chuap lamah harsatna a tawk bawk - Sunderland nen an inkhelh ṭuma a hliam avang hian hun rei tak chhung chu a inkhel thei dawn rih lo.

Kum 33 mi Burn hi Sunderland right-back Nordi Mukiele nen ball an inchuhna lamah a hliam, an ball inchuhna hi 50/50 a nih avangin tihluih leh tum reng vanga tih hliam a ni lo, vanduai zawkah a ṭang.

Mukiele hian a khupin Burn hi a do a, yellow card pek a ni. A tirah chuan Burn hian inkhelh zui mai theih a inring, mahse khel zui chi a ni lo - a hnu lawkah Fabian Schar chuan a rawn thlak.

Newcastle United coach Eddie Howe chuan, "Damdawi inah hruai a ni a, thawk harsa a tih avangin enkawl a ni," tiin a player chungchang a sawi a, engtiang chena rei nge a chawlh a ngaih dawn tih erawh a sawi thei rih bik lo a ni.

Magpies hian zanin dar 1:45 hian League Cup khel turin Fulham an mikhual dawn a, kar tawpah Premier League match khel turin Chelsea an hmachhawn leh nghal bawk ang, an hmabak a hautak dawn hle.