Salah hoa inlan tur Egypt

Mohamed Salah chuan Liverpool coach Arne Slot nen boruak neuh neuh nei mah se Egypt tan erawh buaina a nei lo - an ram tan Africa Cup of Nations khel turin a feh chhuak dawn.

Egypt coach Hossam Hassan chuan Salah inlan tur thu hi a tichiang tawh a, player 28 a koh zingah Reds forward hi a tel. December 21 aṭangin Afcon hi an khel dawn, a tlem berah Salah hian Premier League champion tan match hnih chu a khel thei dawn lo.

Manchester City forward Omar Marmoush leh Aston Villa winger hlui Mahmoud Trezeguet te pawh Egypt squad-ah hian an tel a, tawnhriat nei ṭha karah rawlthar an awm avangin beisei an nei sang ang.

Vawi sarih champion tawh Egypt hian an match hmasa ber atan December 22 hian Zimbabwe an tum dawn, chumi hnuah South Africa leh Angole te nen group match an khel zui leh dawn a ni.

Egypt Squad:

Goalkeepers: Mohamed El-Shenawy, Ahmed El-Shenawy, Mostafa Shobeir, Mohamed Sobhi.

Defenders: Mohamed Hany, Ahmed Eid, Rami Rabia, Khaled Sobhi, Yasser Ibrahim, Mohamed Ismail, Hossam Abdelmaguid, Mohamed Hamdy, Ahmed Fatouh.

Midfielders: Marwan Ateya, Hamdy Fathy, Mohanad Lasheen, Mahmoud Saber, Mohamed Shehata, Emam Ashour, Ahmed Zizo, Mahmoud Trezeguet, Ibrahim Adel, Mostafa Fathi, Omar Marmoush, Mohamed Salah.

Forwards: Mostafa Mohamed, Salah Mohsen, Osama Faisal.