ATP-in khaw lum avangin dan thar a siam

Association of Tennis Professionals (ATP) chuan khaw lum lutuk avanga season thara hman tur dan a siam thar.

Mipa tennis thuneitu sang ber in dan a siamah chuan, player-te chuan best of three set an khelhah minute 10 chhung an taksa tih daih theihna hun 'cooling break' an nei thei dawn a ni.

Kumin October a khelh zawh tak Shanghai Masters-ah khan, khaw lum zawng chu 34C lai a ni phak a, world number 15 ni lai Holger Rune chuan inkhelh laiin enkawlna a mamawh hial a ni.

ATP chuan thuchhuah siamin, an dan thar duan chu player-te inkhelh laia boruak lum lutuk laka venhimna ṭha lehzual atan a nih thu an sawi.

He dan thar hi Wet Bulb Globe Temperature (WBGT) behchhana siam a ni a, hemi hmang hian awlsam zawkin khaw chin bakah thli thawt chak zawng te thlengin a hriat theih dawn a ni. Set hmasa pahnih an khelh chhungin WBGT hi degree 30.1C emaw a aia sang emaw a nih chuan, player-te chuan an duh chuan minute 10 chhung chawlh an hmang thei ang.

ATP chuan dan thar hian khaw lum lutuk laka invenna tha zawk leh changtlung zawk chu player-te mai bakah inkhel entu, official, ball boy leh staff zawng zawng tan a nih thu an sawi bawk.