Mizo hmeichhe team an chak

Board of Control for Cricket in India hnuaia inelna - Women's Under 19 One Day Trophy Plate khelh mekah Mizoram Under 19 team chuan Manipur chu wicket sarihin an sawp.

Nilainia inkhelah hian opener batter Vanlalruatpuii, Tlangnuam chuan ball 114 aṭangin run 65 a siam a, opening partnership hi 63 run a ni bawk.

Mizoram hian vawi thum an khelhah hnehna an la chang vek a, Plate Group-a team ṭhaa ngaih pahnih Manipur leh Tripura te an hneh ve ve tawh a ni. Arunachal Pradesh leh Meghalaya te an la tum leh ang.