Ecuadorian footballer Pineida a thi

Ecuadorian football club Barcelona Sporting Club defender Mario Pineida chu Nilaini khan Ecuador rama khawpui pakhat Guayaquil-a inkahnaah a thi.

An ram chanchinbu ṭhenkhat chuan kum 33 mi Pineida hi, Guayaquil khawpui hmar lama dawr pakhat kawtah kah hlum a nih thu an sawi.

Ecuador international Pineida khelh mekna Barcelona Sporting Club chuan, "He chanchin duhawm lo tak hian he club chhungkuate min ṭhawngin min tilunghnur hle a ni," tiin thuchhuah an siam.

Ecuadorian police-te chuan Pineida thihna hi chhui nghalin he thu buatsaih lai thleng hian man an la nei lo a, thil thleng chungchangah pawh thuchhuah mumal an la siam lo bawk.

Ecuador tana vawi kua inlan tawh Pineida hi club pali tan khel hmanin, chung zingah chuan a khelh mekna, an ram club Barcelona Sporting club bakah Argentine club Independiente DV leh Brazilian club Fluminense te chu a langsar zual te an ni.