NE Chess inelna khar dawn

23rd North Eastern States Chess Championship 2025 chu December 16, Thawhlehni aṭang khan R. Dengṭhuama Stadium-ah khelh ṭan a ni a, vawiin chawhnu dar 1:30 hian kharna neih a ni ang. Inelnaah hian state pariat aṭangin player 281 an fuankhawm a ni.

Kharna hunah hian minister Lalthansanga (Chatea) chu khuallian a ni ang a, Mizoram Chess Association president Er Lalchhuana'n kharna hun hi a kaihruai ang. Chief arbiter Anupam Bhattacharjee-a'n report a pe ang a, lawmman semnain a zui ang.