Palace an chak zo lo

Crystal Palace chuan Ningani zan khan Conference League - League Stage an khel a, an mikhual KuPS nen 2-2 in an inhnehtawk, nakkum February-ah playoff an khel thei dawn a ni.

Selhurst Park-a inkhelah, mualneitu hian Christantus Uche hmangin goal khung hmasa mah se second half-ah Finnish club hian Piotr Parzyszek leh Ibrahim Cisse te hmangin an chhanglet a, 2-1 in hma an hruai let daih.

Palace hian Justin Devenny hmangin khung ve leh mahse, player tam zawk an nih hnuah an khung belh thei tawh bik lo. Clinton Antwi chu substitute Will Hughes laka a chet dan mawi lo vangin hnawhchhuah a ni a, hun tawp lam minute 20 bawr chu KuPS hi kim lo chungin an khelh a ngaih phah a ni.

League Stage an khelh chinah Palace hi 10-naah an awm a, playoff an khel phak dawn. Czech Republic club Sigma Olomouc leh Zrinjski Mostar te inkhela a chak zawk an hmachhawn leh ang.