Betis-in hnehna chang ve leh ta

Copa del Rey round of 32-ah Real Betis an chak a, last 16 an lut ve leh ta–Betis hian an mikhualna ramah Real Murcia chu 2-0 in an hneh a, Cucho Hernández (penalty) leh Diego Piñeiro (own goal) ten goal khat ve ve an khung.

Betis-in last 16 an luh zanah hian Spanish second division club Burgos FC chuan 3-1 in La Liga club Getafe an barakhaih–Getafe hian Álex Sancris hmangin goal hmahruai khung mah se, David González (penalty) leh Iñigo Córdoba-a goal hnih hmangin Burgos hian an chhanglet.

Athletic Bilbao-in Ourense laka hnehna chang turin extra time khelh an mamawh a, Spanish third division club hi 1-0 in an hneh–an goal neihchhun hi Mikel Jauregizar hmanga an khung a ni a, 105+1-a an khung a ni.

Copa del Rey-ah round of 16 lut a chiang vek ṭep tawh a, round of 32-ah match khat chiah khelh tur a awm tawh. Granada leh Rayo Vallecano te chu tun kara inkhel ve tur ni mah se, Vallecano hian Europa Conference League-ah match an neih avangin January-ah an khel ang.