23rd NE State Chess C'ship a ṭiak ta

Ni nga awh India hmarchhak state hrang hrangte tana Chess inelna lian ber, 23rd NorthEast State Chess Championship 2025 chu December 16-20, 2025 chhung khan R. Dengṭhuama Indoor Stadium, Aizawlah neih a ni. Open category-ah Assam aṭanga rawn tel kum 15 mi Tonmoy Rajbongshi chu pakhatna a ni a, Mizo zinga ti ṭha ber chu C. Lalrinsanga niin pathumna a ni.

Inelna hi India hmarchhak state hrang hranga chess thiamte inelna leh inpawh tlanna atana buatsaih a ni a, kum tin neih ṭhin a ni a, Mizoram hian ṭum thum a thlenna a ni. Chess khawmpui hi December 16, Thawhlehni khan sports minister Lalnghinglova Hmarin a hawng a, a khar ni hian minister Lalthansanga (Chatea) chu khuallian niin, state hrang hrang chess hruaitute Mizoramin inelna a thlen danah an lungawi hle.