AFCON thlengtu Morocco chak nghal

African Cup of Nations chu Pathianni zan aṭang khan khelh ṭan a ni a, a thlengtu Morocco chuan match hmasa berah Comoros 2-0 in an hneh nghal.

Stade Prince Moulay Abdallah-a inkhelah hian Morocco an hmuhnawm nghal hle. Minute 11-na lekah Brahim Diaz chuan Morocco tan penalty a hlawhchhuak. Amaherawhchu, Morrocan forward Soufiane Rahimi-a penalty pet chu Comoros goalkeeper Yannick Pandor chuan ṭha taka a dan avangin Morocco-in an chance duhawm an hlah a, goal lut loin chawlh lawk hman a ni.

Morocco dan reng theih an ni lo thung. Minute 55-naah Manchester United defender Noussair Mazraoui ball cross naran tak chu vengtu nei lo Brahim Diaz chuan an hmahruaina goal ni turin a khung.

Tournament thlengtu Morocco-in inkhel an thunun chhunzawm. Minute 74-naah PSV full back Anass salah-Eddine ball vawrh luh chu Olympiacos striker Ayoub El Kaabi chuan mawi takin a volley lut a, harsa lutuk lo in Morocco an chak.

Morocco hian December 27, Inrinni zan dar 01:30-ah an match pahnihna atan Mali an hmachhawn leh dawn a ni.