Man United ṭantute luangchhuak

Manchester United Supporters’ Club - Mizoram (MUSC-M) chuan pathianni khan Krismas puala Luanchhuahna hun an hmang a. Zoram hmun hrang hranga fan club-te’n a rualin he hun hi an hmang a ni.

MUSC-M Headquaters, Aizawl chu hmun thumah an luang chhuak. Gan Sabra - Luangmual West, Khawngaihna In, Chite-ah leh Ainawn Venga chhungkaw pakhat tan te an luangchhuak, an luanchhuahna sum zawng zawng belhkhawm hi Rs 150000 vel a ni.

An sum hmuh te hi Manchester United fan-te thawhkhawm vek a ni a. Sum thawhtu zawng zawng chungah Headquarters chuan lawmthu an sawi a ni.

Sum thawhkhawm bakah hian MI Store, College Veng, Aizawl chuan Smart TV rawn thawh bawk a. Smart TV hi Ainawn Veng a chhungkaw pakhat hnenah hian hlan tel a ni bawk.