Car number 3 khalh tur Verstappen

Max Verstappen chuan a zawna season li chhung car number 1 a khalh hnuah, season thar aṭanga chuan car number 3 a khalh dawn tih a chiang ta–a nomawi kawl lai an chhuhsak avangin a number hi a thlak ngei a ngai a ni.

Tun hma chuan Verstappen hian car number 33 a khalh ṭhin, kum 2021 khan world champion niin a hnu lamah chuan number 1 a ni chhunzawm a, kuminah Lando Norris a champion tak avangin–Norris hian season tharah number 1 a khalh ang.

Formula 1 car number 3 hin tunhma chuan Daniel Ricciardo-a'n a number hman ṭhin a ni. Verstappen chuan, "Car number 1 tih lohah chuan number 3 hi ka duh a, a lo remchan tak hlauh avangin ka hmang dawn. Hman min phalsaktu Formula One chungah pawh lawmthu ka sawi," a ti.

Austrlian driver Ricciardo leh Verstappen te hian kum 2018-18 chhung khan Red Bull car an lo khalh dun tawh ṭhin, tunah chuan Ricciardo hi chawl tawhin a number hlui hi a ṭhianpa chuan a hman theih phah dawn a ni.