A hniam ber Fiorentina an chak

Pathianni zan Serie A inkhelah table mawngphah luahtu Fiorentina chuan an mikhual Udinese chu 5-1 in an sawp a, point thum hlu tak an hlawh chhuak a ni.

Artemio Franchi Stadium, Florence-a inkhelah munite sarihna lekah Udinese keeper Maduka Okoye chu hnawh chhuah a ni a, player tam zawk an nihna hmang ṭangkaiin Fiorentina hian a khat mawi tawkin goal an khung.

Rolando Mandragora chuan goal khung ṭanin chawlhlawk hmain Albert Gudmundsson leh Cher Ndour ten an khung belh a, inkhel chawhnu lamah Moise Kean chuan goal hnih a khung belh bawk.

Kean-a goal khung inkarlakah mikhual tan Oumar Solet chuan goal khat a khung ve a, mahse awmzia a nei phak lo. Khualmual aṭangin kut bengin an haw a, kum lo chunga khelh harsatzia an zir chhuak thar ngei ang.

Itaky rama football inelna sang ber hi kumin chhungin an la khel chhunzawm zel dawn a, hunpui vuatvetah pawh inkhel en tur a awm ṭhin dawn a ni.