Saudi-ah Napoli an champion

Supercoppa Italiana-ah Napoli an champion - Antonio Conte enkawl team hian Thawhṭanni zan khan Bologna chu 2-0 in an hneh a, King Saud University Stadium, Riyadh-ah champion nomawi an chawi.

Serie A champion Napoli tan David Neres chuan goal hnih a khung a, Bologna lamin a chhanletna tur an neih loh avangin, 2-0 in Napoli an chak.

Italian Super Cup hi Serie A leh Copa America champion-ten an khelh ṭhin a ni a, kum 2023 aṭang khan team pali inelnaah tihdanglam niin, Serie A pahnihna leh Coppa Italia pahnihna an tel ve a, Saudi lamah sum tuak nan an khel bawk a ni ber.

Napoli an champion a, Manchester United-in duh lo a, loan-a an chhuahtir Rasmus Højlund-a'n Italian champion tan nomawi a chawi der - tun season-ah match 19 a khelh aṭangin goal sarih a khung tawh.