Brisbane-ah Kyrgios inlan dawn

Thla 10 zet a inkhelh loh hnuah Nick Kyrgios chuan tennis khelh ve leh ngei a tum a, nakkum January hian ATP Tour match a khel dawn, an rama inelna neih tur Brisbane International-ah a inlan ang.

Australian tlangval Kyrgios hi hliam vangin a buai rei ta hle; March-ah khan Miami Open-ah inlan mah se beisei a phak lo a, a khingpui Karen Khachanov hneh loin second round-ah a zinkawng a tawp.

Tournament pangngai a khelh leh hma hian December 28 hian exhibition match a khel dawn bawk. Kum 30 mi chauh a la ni a, hliam nei loin a inkhel leh thei a nih chuan tan kawng zawh tur thui tak a la awm thei ang.