Hliam vanga chawl tur Bruno

Manchester United captain Bruno Fernandes chu malpui hliam vangin thla khat tal a chawlh a ngai dawn a, coach Ruben Amorim chuan a midfielder hmun ruak chu luah khah theih a nih loh thu a sawi.

Amorim chuan, "Bruno hmun ruak luah hi tih theih loh a ni a, ka team-te zingah pawh ka sawi tawh. Chutihrual chuan a eng zawngin thil kan thlir tur a ni a, player dangten mawhphurhna an hlen a ṭul a ni mai," a ti.

January 2020-a United pantu Bruno hi Red Devils tana a khelh hnuah hliam vang hian a buai khat hle. Match hnih chiah hliam vanga khelh loh la neiin, damlohna avangin vawi khat a inlan lo tawh.

Tun ṭumah hian Aston Villa laka 2-1 a an inkhelh khan, hliam vanga lakchhuah a ngai a, Amorim-a'n a dam hun tur chiang takin sawi lo mah se, thla khat vel chu a chawlh a ngaih a rinawm.

United hian zanin dar 1:30-ah league match khel turin Newcastle United an mikhual dawn. Amorim-a naute hian beisei an la phak hleithei lo a, league table-ah pasarihna an ni mek.