Cricket khel tura piang Suryavanshi

Indian rawlthar Vaibhav Suryavanshi chuan List A cricket-a century siam thei naupang ber record thar a siam a, kum 14 leh ni 272 mi chauh niin, a sulhnu hi a ropui rem rem hle.

Vijay Hazare Trophy inkhelah hian Suryavanshi hian an state Bihar tana khelin, Arunachal Pradesh lakah century hi a siam - run 100 vaw chhuak tur hian ball 36 hmachhawn bak a mamawh lo.

Suryavanshi hian ball 59 lekah run 150 siamin, hei pawh record a ni a, South African legend AB de Villiers-a'n ball 64-a run 150 a lo siam tawh chu a khum - hei hi List A cricket bikah a ni.

Bihar naupang hian run 150 vaw kai tur hian vawi 16 ngawt four vaw chhuakin, vawi 15 six a vaw chhuak thei! December 2024 khan Suryavanshi hian List A game-ah a match hmasa ber a khel a, tunah chuan record a siam ta der.