Salah-a'n Aigupata a hruai kai

CAF Africa Cup of Nations khelh mekah Egypt chuan round of 16 an lut fel der a, Zirtawpni zan khan South Africa chu 1-0 in an hneh - match hnih an khelhah chak ve vein, match khat la bak mah se, knockout round an lut der a ni.

Egypt tan Mohamed Salah chuan penalty aṭangin goal awmchhun a khung a, Liverpool forward-in goal a khung hnu lawkah Egypt right back Mohamed Hany chu hnawhchhuah ni mah se, Salah leh a ṭhiante an ṭang tlang a, an chak.

AFCON khelh mekah Egypt hi round of 16 lut hmasa ber, lut awmchhun an ni rih a, Salah hian goal hnih a khung tawh - an match hmasa zawka 2-1 a Zimbabwe an hnehna inkhelah chakna goal a khung a ni.