Anthony Joshua-a'n thihna a pumpelh

December 29, Thawhṭanni zan khan Nigeria-a motor chetsualnaah British heavyweight boxer Anthony Joshua-a'n hliam a tuar a, he chetsualnaah hian a team member pahnihin nunna an chan. Joshua promoter-in a tarlan danin thi pahnih hi Sina Ghami leh Latif "Latz" Ayodele te an ni a, Joshua ṭhian ṭha tak ve ve an ni.

World champion hlui Johsua hi lirthei chuanna hi Lagos bula Ogun State-a kawngpui lian ṭha takah truck nen an insu. Matchroom Boxing-in a tarlan danin Joshua hi damdawi inah enkawl a ni a, a dinhmun mah se a dinhmun enfiah turin a la awm rih ang.

Boxing expert Steve Bunce chuan Ghami leh Ayodele-te hi Joshua ṭhian hnai tak ve ve an nih thu a sawi a, a hlawhtlinna kawngah pawh hmun pawimawh tak an chan thu a sawi.

Bunce chuan, "AJ a bul a ṭantirh aṭangin an inkawm tawh. Latz hi AJ-a personal trainer a ni a, Sina hi a strength and conditioning khawihpuitu a ni thung. Eng hunah pawh a bulah an awm reng ṭhin," tiin an inzawm ṭhat thu a sawi.

Chetsualna a thlen hma lawk hian Joshua chuan Instagram-ah amah leh Ayodele-te table tennis khel lai video a post a; Ghami pawhin a hma ni lawk khan Lagos aṭangin social media-ah thil a lo post ve bawk a ni.

Anthony Joshua hian tun thla December 19 khan inhnek ngaihven hlawhah Jake Paul a knockout a, February thla hian Saudi Arabia lamah inhnek nei leh tura ruahmanna siam ni. Hemi zawh lama hian hun rei tak an sawi zawm tawh Tyson Fury nen pawh sawi zawm ṭhat leh a ni a, tunah erawh inhnek lam aiin a taksa hriselna lam ngaihtuah hmasak a ṭul ang.