Vawiinah State Games hawng dawn

Mizoram State Games 2019 chu vawiin tlai dar 2:00 hian Rajiv Gandhi Stadium, Mualpuiah hawn a ni dawn.

State Games-ah hian MLA Constituency 40 te chu infiamna 32-a intihsiakna 221-ah an inel ang. Opening hma hian infiamna ṭhenkhat chu khelh ṭan a ni a, December 3 khan football khelh ṭan ni tawhin semifinal khel tur a hriat tawh. Infiamna dang Cricket, Badminton, Shooting, Table Tennis leh Volleyball te pawhin inelna hi an ṭan tawh a ni.

MSG 2019-ah hian constituency tih ṭhat dan tehfung atan Medal Tally hman a ni dawn. Overall champion, pahnihna leh pathumna te hnenah nomawi pek an ni ang. Inelna tur infiamna 32 te chu Aquatics, Archery, Arm Wrestling, Athletics, Badminton, Basketball, Body Building, Boxing, Carrom, Chess, Cricket, Fencing, Football, Hockey, Indigenous Games, Judo, Karate, Kick Boxing, Motor Sports, Muaythai, Power Lifting, Sepaktakraw, Shooting, Snooker, Table Tennis, Tennis, Tug of War, Taekwondo, Volleyball, Weight Lifting, Wrestling leh Wushu te an ni.