Manager nei lo hmaah Chelsea mualpho

Chelsea-in January transfer-a an bazar theih tur thu chanchin lawmawm an neih hnu lawkah result lawmawm lo an nei zui a, an mikhualna ramah Everton chu 3-1 in an ngam lo. 

Everton tan mual sirah manager lailawk  Duncan Ferguson a ding a, Chelsea player-ten Sir Alex Ferguson hmuhin an hmu a ni mai thei - tun season-a beisei phak lo team lakah an tlawm. Merseyside club tan Richarlison chuan minute ngana lekah goal hmahruai a khung a, minute 49-naah Dominic Calvert-Lewin chuan a chhunzawm ve zat bawk. 

Blues beiseina chhi nung turin Mateo Kovacic chuan ṭha zetin rawn khung ve leh mah se Everton an nghin phah lo a, Calvert-Lewin chuan Chelsea defending chhe lutuk zarzoin minute 84-naah chak nemnghehna goal a khung. 

Chelsea manager Frank Lampard chuan, "Theihtawp an rawn chhuah dawn tih ka hre sa a, kan inkhel en khan ka inngaihtuah takzet a ni," tiin  a naute khelh danah a lawm lo.