Zaninah AFC vs Arrows

Aizawl FC chuan zanin dar 7:00 hian Tilak Maidan, Goa-ah Indian Arrows an hmachhawn dawn.

Mizo club hi tun season I League match hmasa berah Mohun Bagan nen goal awm loin an inhnehtawk a, khualmuala an match hmasa berah Neroca 1-0 in an hneh lo. Aizawl FC hian I League-ah goal an la khung lo a, foreigner nei lo Arrows lakah point thum hmuh a pawmawh avangin goal khungtu tur an mamawh hle.

AFC hian Neroca nen hian Malian striker Abdoulaye Kanoute an chhawr ṭan a, Manipur club lakah beisei a pha lo. Indian Arrows nen an inkhelh hunah Kanoute hian en bik a hlawh ang. I league inkhel dangah Gokulam Kerala chuan Zirtawpni zan khan Indian Arrows chu Henry Kisekka goal hmangin 1-0 in an hneh a, Inrinni zanah Punjab FC leh East Bengal te 1-1 in an inhnehtawk.