FIH award dawng thei zingah Siami

International Hockey Federation chuan nakkum February hian award chi hrang hrang a sem chhuak leh dawn a, Mizo tleirawl Lalremsiami Hmar chu FIH Rising Star of the Year Award dawng thei tur player panga chhawp chhuah zingah a tel.

Award hi khawvel pum huap a ni a, Siami hi Julieta Jankunas (ARG), Zhong Jiaqi (CHN), Nike Lorenz (GER) leh Frederique Matla (NED) te nen hmeichhe player chhuak thar ṭha bera thlan theih tura dah khawm an ni. Kolasib tleirawl Siami hi kum naupangte ni chungin India senior team-ah koh a ni a, squad player zinga a naupang ber ni chungin player pawimawh a ni phak zel. Nikum khan Asian Games-ah silver medal an dawng a, Youth Olympic Games-ah khan vice captain ni chungin India chu silver medal a lakpui bawk.

Award dawng tur hi vote hmanga thlan tur a ni a, mitinin vote thlak theih a ni. Vote duh tan http://www.fih.ch/events/hockey-stars-awards/hockey-stars-2019/vote/ ah hian lutin nakkum January 17 thleng vote thlak theih a ni ang.