Happy New Year Lens

Kum 2026-ah pawh Ligue 1 table chung ber luahtu chu Paris Saint-Germain ni loin, RC Lens bawk an nih chhunzawm zel - Lens hian kum thara an match hmasa berah 3-0 in Toulouse an hneh.

January 2 zana inkhelah mualneitu Toulouse hi player kim loin an khel hma a, minute 23-na lekah an forward Emersonn chu hnawhchhuah a ni - first half an ṭang tluan a, second half erawh a harsa tawh.

Lens tan Wesley Saïd, Adrien Thomasson leh Pierre Ganiou ten goal khat ṭheuh an khung a, mikhualna ramah nuamsa takin hnehna an chang.

Kum 46 mi Pierre Sage-a enkawl Lens hian match 17 an khelh tawhah vawi 13 hnehna an channa a ni a, point 40 hmuin table chung ber an luah mek.

Nizan khan PSG inlan ve lehin, an result kan hre hman lo a, Luis Enrique naute hian hnehna an chang a nih chuan, point khat chiahin Lens hi an thlau zui ang.