UCL kan duh - Neuer

Bayern Munich goalkeeper Manuel Neuer chuan Champions League nomawi chawi an duh thu sawi chhuakin, a sang thei ang ber European club inelna sang berah chuan thlen an duh thu a sawi.

Neuer chuan, "Tun dinhmunah chuan international-a inelna tournament khat chiah kan nei a, a thui thei ang ber thlen kan duh. A harsa ang tih chu kan hria a, mahse, tun UCL kan khelh dan aṭangin tam takin min hre tawh ang," a ti.

German keeper chuan sawi chhunzawmin, "Kan khelh ṭhat hi kan chhawm nun zel a ngai dawn a ni," a a ti - Bayern hian tun season-ah UCL match ruk khel tawhin, vawi nga an chak a, vawi khat chiah an la tlawm.

Bundesliga lamah pawh Bayern hian table chung ber an luah mek a, match 15 khelh tawh aṭanga point 41 neiin, an la tlawm miah lo.

German top flight league hian Krismas leh kum thar chawlh an la hmang mek a, January 9 zan aṭangin khelh ṭan leh a ni ang.