Didiki leh Marina awmna India an champion

Ram pathum hmeichhe hockey team hmanga inelna 3-Nations Tournament neih zawh takah Indian Junior Women's Hockey Team an champion. India tan hian Lalrindiki leh Marina Lalramnghaki te chuan match zawng zawng an khel kim.

Australia rama inelna neihah nimin khan India hi a thlengtu ram lakah 2-1 in a chak lo. Mahse - India, Australia leh New Zealand te vawi hnih ṭheuh an inkhelh kualah India hian point sarih hmuin an chungnung ber a ni.

India tan Mizo tleirawl forward Didiki hian an match hmasa a New Zealand an hneh ṭumin goal vawi hnih a khung a, defender Marina-i pawh tlarhnung lamah player pawimawh leh ṭangkai a ni bawk.

Hnahthial tleirawl Didiki chuan, "Inelna a hautak khawp mai, ram ṭha pathum inel kan nih avangin a awlsam lo hle. Pathian zarah ṭha takin kan khel thei a ni," tiin Vanglaini a hrilh. Inelnaah hian Mizo nula Lalremruati chu India 

aṭangin umpire ni turin a kal bawk a ni.