ACG Jr. NBA 3v3-ah Home Missions an champion

Guwahati-ah ACG Jr. NBA 3v3 City League finals chu December 20, 2025 khan Sarusajai Sports Complex, hlawhtling taka khelh zawh a ni. Mipa inelnaah Home Missions School, Aizawl an champion a, hmeichhe lamah St. Xavier School, Maibang chu pakhatna an ni thung.

Home Missions School hian mipa inelna an thunun a, tun ṭum inelnaah hian team hnih telin final an lut ve ve. Champion team-ah hian Abraham Vantluangpuia, Joel Lalrinmawia, Lalruatsaka leh Lalromawia Pachuau te an tel a, pahnihna team-ah hian Lalhruaizela, Zosangliana, Enos Vanlalhriata leh David Rohmingliana te an tel ve bawk.

Home Missions champion puitu Lalromawia Pachuau chu 'Skechers MVP' atan thlan a ni a, point ngah ber chu pathumna Netaji Vidyapith Railway H.S. School, Guwahati tana khel Sainath a ni.

Team hmuhnawm zual pahnih champion leh pahnihna bakah Guwahati All-Star team-te chu nakkum kumtira neih tur ACG Jr. NBA 3v3 National Finals khel turin an tling.