PSG-in Lens an um zel

Paris Saint Germain chuan kumthar atana an match hmasa berah an ṭhenawm club Paris FC chu 2-1 in an hneh a, table-a hmahruaitu RC Lens chu point khatin an phak lo.

Parc des Princes-a inkhelah hian a tir aṭangin PSG an chungnung nghal a, chance hlauhawm erawh an insiam tam lo thung. Minute 45-naah Spanish midfielder Fabian Ruiz ball pek ṭha tak chu Desire Doue chuan chiang takin a pet goal a, goal dang luh belh loin PSG-in goal khata hmahruai chungin halftime an hmang.

Second half-ah Paris FC an rawn hlauhawm a, halftime an hmang ṭha tih a hriat. Minute 51-naah PSG defender Illia Zabarnyi chuan Paris FC winger Alimami Gory a tihtluk avangin penalty an chawi a, Willem Geubbels chuan an si phurh sut nan penalty chu a hmang.

Amaherawhchu minute hnih hnu lekah Ousmane Dembele chuan goal khung lehnghalin PSG hma a hruaipui leh a, chakna goal a ni zui bawk.