Mizo Badminton players che ṭha

Yonex-Sunrise All India Masters Ranking Badminton Tournament-ah Mizoram aṭanga kal shuttler ten result duhawm an nei a, Mizoram aiawha feh chhuak shuttler pali an champion. 

Nagpur, Maharastra-a neih inelnaah hian Lalmuanawma chuan 40+ Men's Singles-ah India tana Olympic hial lo khel tawh Abhinn Shyam Gupta chu 21-18, 21-12 a hnehin a champion a, 40+ Mixed Doubles-ah Zodinsangi nen inkawpin an champion bawk. 

50+ Men's Singles-a seeded pakhatna ni phak Lalthanzuala chuan Kalwaljit Singh chu 21-13,21-12 a hnehin nomawi a chawi a, 70+ Men's Singles-ah F. Zokima'n Satish Dhondhu chu 21-9, 21-11 a hnehin a champion nomawi a humhim bawk. 

55+ Men's Singles-a inlan K. Ramzauva chuan semifinal lut mah se Ram Lakhan chu 21-16,21-17 a ngam loin final erawh a lut zo ve ta lo. December 1- 7 inkara neih inelnaa semifinal lut chin te hian Asia Master Badminton Championship, 2020 Sri Lanka a khelh turah India ai an awh ang.