Caroline Wozniacki a chawl dawn

Hmeichhe tennis world number 1 hlui Caroline Wozniacki chuan January thla a khelh tur Australian Open zawh hnuah inkhelh a chawlhsan tur thu a sawi.

Kum 29 mi Wozniacki hi tun dinhmunah world number 37 a ni mek, inelna a hmachhawn hnuhnung ber chu October thla a neih zawh tak China Open kha a ni.

Australian Open 2018 champion Wozniacki chuan, "Hetiang thu ka sawi hun hi a lo la thleng ngei dawn tih chu ka hria, a taka sawi a ngai ta erawh a hrehawm hle. Kum 15 mi ka nih aṭanga nuam ti taka professional match ka khelh chu ka mangṭha a ngai dawn," a ti.