West Brom-in Mason an ban

Championship club West Bromwich Albion chuan an head coach Ryan Mason an ban a, club chuan thuchhuah siamin, "Coach leh a staff turte zawn hna thawh ṭan nghal a ni," an ti.

Baggies hian Thawhṭanni zan khan Leicester City chu khualmualah 2-1 in an ngam lo a, league match 26 khelh tawha an vawi 13 tlawmna niin, khualmuala a zawna vawi 10 an tlawmna a ni!

Championship table-ah 18-na an ni mek a, Premier League kir lam aia Championship-a inhamtan dan ngaihtuah a ngaih avangin coach Mason ban a nih phah.

Kum 34 mi Mason hian Tottenham Hotspur coaching team chhuahsanin, season ṭan dawn khan Baggies hi a zawm a, kum thum atan contract ziak mah se, season khat pawh a enkawl hmain an inṭhen.

Mason bakah hian a assistant Nigel Gibbs leh head of performance Sam Pooley te pawh an chhuak a, first team coach James Morrison chuan Baggies hi a enkawl lailawk ang.