India squad-ah Mizo paruk

AIFF chuan nimin khan SAFF Futsal Championship 2026-a India aiawh tur squad a puang a, player 14 zinga paruk chu Mizo player an ni. India aiawha khel tur Mizo player-te hi Lalsangkima, Lalsawmpuia, H. Lalrinzuala, K. Rohluahpuia (K. Mama), H. Lalrinzuala, Vincent Laltluangzela leh Jonathan Lalrawngbawla te an ni.

Player 14 zinga pariat hi nikuma neih AFC Futsal Asian Cup Qualifiers-ah khan India aiawhin an khel tawh a; Sangkima, K. Mama leh Jonathan ten hmun pawimawh an chang pha. Tun ṭum inelna hi Nonthaburi Stadium, Nonthaburi, Thailand-ah khelh a ni dawn a, January 13-ah India-in Maldives an hmachhawn ang. Inkhel hi Sportzworkz YouTube Channel-ah a en theih ang.