Neuer-a'n bul a ṭan dawn

Bundesliga-in thlasik chawlh an neih hnuah tunkar tawp hian khelh ṭan a ni leh tawh dawn a, Pathianni zan dar 10:00 hian Bayern Munich-in Wolfsburg an mikhual ang.

Bavarians captain Manuel Neuer-a'n hliam vangin nikum kum tawpa an match hnuhnung berah inlan thei dawn lo a, tunah erawh training zawm ṭha leh tawhin Wolsburg lakah pawh bul a ṭan dawn. Vice captain Joshua Kimmich erawh ngalrek hliam vangin a inlan thei dawn lo thung.

Bundesliga-ah Bayern hian match 15 aṭangin point 41 an hmu a, anmahni hnaih bertu Borussia Dortmund aiin point kuain an hmu sang zawk. Vincent Kompany hote hian tun season-ah hneh loh an tawng lo a, an striker chhuanvawr Harry Kane-a'n goal 19 khung tawhin top scorer a ni mek.