India hmeichhe head physio-ah Tiami

AIFF chuan Mizo nula Dr Lalthutiamngheti chu senior women national team-a head physiotherapist turin an ruat a, Tiami hian January 10, Pathianni aṭanga a hna hi zawm ṭanin March 25, 2026 thleng a chelh ang.

Champhai Vengsang nula Tiami hian nikum November thla khan India hmeichhe U20 team-ah physio hna hi a lo chelh tawh a, Under 20 team-ah hian Cindy Remruatpuii Colney a tel. Senior team-ah erawh Mizo nula zingah tel pha an awm lo.

Nikum September thla khan khan Tiami hian 3rd National Conference of the Indian Association of Physiotherapists (IAP) Women Cell and Physio Manthan 2025-ah Oustanding Woman Physio Award a dawng a, Mizoram pawnah hming a chher hle.

Tiami hi SRI Ramachandra Institute of Higher Education and Research, Centre of Sports Science, Chennai-ah senior lecturer thawk lai niin, India squash team physio a nih tawh bakah Olympian leh infiammi langsar tak tak a enkawl tawh bakah international level-ah paper a present tawh a ni.