Brisbane International-ah Sabalenka champion

Nimin khan Aryna Sabalenka chuan Brisbane international final-ah Marta Kostyuk chu 6-4, 6-3 in a hneh. World number 1 hian final hi a thunun a, champion turin harsatna a tawk lo a, minute 79 chauh hun a hmang.

Belarusian tennis star Sabalenka hian Australian Open atan inbuatsaihna a nei ṭha a, kumin inelnaah pawh champion tura rinkai a ni. Kum 27 mi Sabalenka hian Australian Open-ah kum 2003 leh 2004 khan nomawi a chawi tawh a, Brisbane international-a a chet ṭhat avangin inrintawkna a ngah sawt ang.

Sabalenka chuan, "Nitinin kan theihna lantir a pawimawh a, Brisbane international pawh ka khel ṭha viauin ka hria. Tunah chuan Australian Open atan ka insawrbing a ṭul tawh ang a, nomawi chawi turin theihtawp ka chhuah ang," tiin a sawi. World number 1 hian tun ṭum inelnaah hian set khat mah a hloh lo.

Australian Open bikah erawh nikum khan final-ah Madison Keys lakah a vanduai a, Sabalenka chuan, "Kuminah chuan nikum aia chet ṭhat hret a ṭul ang," tiin champion ngei a tum thu a sawi.