WBC light-welterweight champion thar Smith

British boxer Dalton Smith chuan nimin khan WBC light-welterweight title inchuhnaah champion lai Subriel Matias chu technical knockout hmangin a hneh. Brooklyn's Barclays Center, New York-a inhnekah hian Smith hian round nganaah hnehna an chang.

Smith hian Matias a hmachhawn hma hian professional fight vawi 18 hmachhawn tawhin hnehna a chang vek a, WBC light-welterweight champion zawnnah pawh a che ṭha. Round nganaah Smith hian Matias hi a hnek tlu a, referee-in a chhiar laiin Matias hi tho chhuak thei mah se referee hian inhnek hi a titawp ta tho.

Champion thar Smith chuan, "Ka career-a a ṭha lo zawka ngaih ka nih vawi khatna a ni a, boxer ṭha tak tak ka hmachhawn vawi khatna a ni bawk. Kan tum anga ka khelh loh avangin ka pa (a coach ni nghal) pawh a hlauthawng ngei ang. Mahse, na thei lo ang hialah ka inngai a, hneh ngei ngei kha ka tum a ni," tiin a sawi.