Fenerbahce an champion

Turkish Super Cup final chu January 10, Inrinni khan khelh a ni a, Fenerbahce-in Galatasaray 2-0 a hnehin an champion. Atatürk Olympic Stadium, Istanbul-a inkhelah Fenerbahce tan Mattéo Guendouzi leh Jayden Oosterwolde ten goal an khung.

Tun ṭum inelnaah hian team pali an tel a, semifinal-ah Galatasary hian Trabzonspor 4-1 in an hneh a, Fenerbahce hian 2-0 in Samsunspor an hneh thung. Final-ah player thar Guendouzi a langsar a, French midfielder hian club tana a khelh hmasak berah goal pawimawh bik a khung.

Fenerbahce hian Turkish Super Cup nomawi vawi 10 an chawina chiah a ni a, Besiktas nen an champion zat inang chiahin Galatasary (vawi 17) chiah champion tam lamah an chungah an awm.