Champion lo tur Manchester United

Season liam taa an chet chhiat avangin Manchester United-in tun season-ah Europe inelnaah an tel lo a, Premier League-ah pasarihnaah awmin hmahruaitu Arsenal point 17-a an phak loh avangin an champion a beiseiawm tawh lo. Champion theihna awmchhuna ngaih FA Cup-ah an tla nghal a, League Cup-ah beisei tur an neih tawh loh bawk avangin January thlaah champion beiseina a tawp.

Man United hian League Cup-a an match hmasa berah Ruben Amorim-a hoin Grimsby Town an hneh lo nghal a, FA Cup-ah vawi khat khelhna an chak lo nghal. Tun season-ah Man United-in competitive match 40 chauh an khel dawn a, 1914-15 hnua season khata match an khelh tlem ber ṭum a ni.

Kar 11 liam ta khan Amorim-a hoin match thum a zawnin an chak a, beiseina thar nei hman mah se Porutuguese manager an ring zo tawh lo. A thlak lailawktu Darren Fletcher pawhin danglamna a thlen thei lo a, Scottish manager hian Manchester Derby pawh a enkawl a lo ang.

Brighton hneh loh zawhah Fletcher chuan, "Tun season hi kan khawhral tur a ni lo a, hei hi chona ka siam duh chu a ni. FA Cup aṭanga kan tlak hma avangin kan tan hun ṭha a ni lo a, zep tur a awm lo. Mahse, hun harsa hi kan zia tak tak lang hun a ni.

"Champions League khelh tumin kan la beih a ṭul a, chu thil theihah ka la ngai. Min ṭantu lam chuan nomawi an beisei ang, mah se ka nihna dik tak kan hriat a ngai. Player zawng zawngin club hmasawn nan rilru leh theihna an pek a ṭul," tiin a sawi a, a hmalam hun tur chungchang a hriat loh thu a sawi bawk.