CAM-in ruahmanna thar an siam

Khaled Memorial 2nd Division Sreening Tournament 2025-26-ah Venghnuai Raiders CC opener leh wicketkeeper K. Lalremruata lungphuchawla a thih avangin Cricket Association of Mizoram-in inelna khelh chhunzawm danah ruahmanna thar an siam.

Nimin khan inkhel a awm lo a, vawiin aṭangin inelna hi chhunzawm a ni dawn. Suaka Cricket Ground (SCG)-a player inkhel tur reng reng te (12th man telin) inkhelh ṭan hma/warm up neih a nih hmain BP check vek tur a ni dawn. Medical team-in inkhel lo tura thurawn an pekte tan inelna hmachhawn theih a ni lo ang. Playing XI daih loh palh theih a nih avangin CAM chuan team-te chu in lama inbuatsaih lawk turin an ngen.

CAM chuan zan lama mu ṭha lo bakah natna benvawn leh hrisel lohna neite chu inkhel turin a ngen a, toss neih hnuah inkhelhnaa inhnamhnawih player bakah match referee, medical duty, scorer leh ambulance driver thlengin mei zuk phal a ni lo. Player bikah inkhelh zawh aṭanga minute 20 ral hma chu meizuk phal a ni lo bawk. Dan bawhchhia chu inkhelh chhunzawm lo hiala hrem theih an ni.