Macclesfield mikhual tur Brentford

FA Cup champion lai Crystal Palace hnehtu Macclesfield chuan fourth round-ah Premier League club Brentford an hmachhawn dawn. Non League club Macclesfield tan hmabak a harsa dawn a, chutihrualin Wayne Rooney nau John Rooney kaihhruai team hian thilmak thlentir leh an tum ang.

Premier League club zingah Newcastle United, Aston Villa, Liverpool leh Brighton te an vanduai. Magpies hian Villa an hmachhawn dawn a, Reds hian Manchester United hnehtu Seagulls an hmachhawn thung dawn a, fifth round thlen a awlsam dawn lo.

Champion rinkai zinga mi Manchester City erawhin Salford leh Swindon an hmachhawn dawn a, tuzawk pawh chak se Pep Guardiola tan luhaina tur a ni pha lo. Arsenal pawhin Wigan an mikhual dawn a, Chelsea pawhin khualmualah Hull City an thlawh dawn. Team ṭha pathum tan hna harsa a awmin a lang lo.